Gemubug suara angin tansah mawut-mawuti sepining kahanan ing jagad
donya
Unine jangkrik uga melu ngrusuhi kahanan
ingkang sepi iki
Sang Surya uga melu, turu ana ing ngisor
sikile sang candra
Sang Candra uga wungu saka turune, ngadeg ana
ing jejere lintang-lintang ing nduwur kana
Adzan wis keprungu saka masjid
Nandakake wektune ngadep Sang Maha Agung
Pitik jago ora keprungu meneh suarane
Genti kalong lan codhot sing padha rebut golek
pangan
Lampu-lampu tansah diuripke karo sing nduwe
Kanggo nggenteni cahyaning surya sing wis
angler turu
Adzan keprugu meneh
Ayo ndang cepet ndedonga marang Sang Maha
Suci
Gemrubug suara angin tansah ngeterke mlakune
manungsa ing donya
Unine jangkrik melu ngaturi salam kanggo
manungsa ing donya
Kahanan iki aja nganti ilang
Kahanan iki bakal kelakon maneh
Gemrubug suara angin nalika surub
Iki kahanan donya nalika surub
0 komentar:
Post a Comment